Google_plus Pinterest Vimeo RSS

Mutiple jobs for GB students


for more details please visit http://www.fpsc.gov.pk/icms/admin/file/Advt_No_7-2015.pdf

Finance Manager, Deputy Manager, Deputy Director (Environment, Social Aspects), Junior Engineer, Assistant Manager and Others - Pakistan


Finance Manager, Deputy Manager, Deputy Director (Environment, Social Aspects), Junior Engineer, Assistant Manager and Others - Pakistan

Company Name

Company Industry
Government

Job Functional Area

Job Title
Finance Manager, Deputy Manager, Deputy Director (Environment, Social Aspects), Junior Engineer, Assistant Manager and Others

Total Position
20

Job Location

Posted on
May 24, 2015

Last Date to Apply
Jun 20, 2015

Post Source
Jang (Pakistan)

Job Detail

Jamshoro Power Company Limited (GENCO-I) is a Public Sector Power Generation Company, created under WAPDA's restructuring of power wing with the mission to significantly contribute in the socio-economic development of the Country by producing optimum electrical energy at cheaper rates in an environment friendly manner. Applications are invited for recruitment of suitable candidates to till in the following positions in Project Implementation Unit (PIU) of upcoming 2X660MW Coal Fired Power Project purely on one year contract basis on the following criteria:

1- Finance Manager
Member of the Institute of Chartered Accountants/ Cost & Management Accountants with 3 years post qualification experience in Audit and Accounting of Government Departments/ Semi Govt, organizations/Autonomous Bodies or Large Commercial Organizations of repute.
M.Com/ MBA (Major in Finance) with 12years post qualification experience inclusive 5years in senior position in BPS-18 or equivalent thereof in Audit & Accounts of Government Departments/ Semi Govt. Organizations/ Corporations/Autonomous Bodies or large Public Limited Companies of repute.

2- Deputy Manager (Finance)
Member of the Institute of Chartered Accountants/Institute of Cost & Management Accountants, OR
M.Com/ MBA (Major in Finance) with 05years post qualification experience in senior position in BPS-17 or equivalent thereof in Audit & Accounts of Government Departments/Semi Govt. Organizations/ Corporations/ Autonomous Bodiesor large Public Limited Companies of repute.

3- Deputy Director (Environment)
Master Degree in Environment Engineering/ Environmental Sciences from the university recognized by PEC/HEC.
Fluent in English Language. Knowledge of computer application/operating system. 8 years of experience in the field of environment in public/private sector induding two years experience in project coordination. Experience in working with water related mega projects specifically in implementation of EMP in power projects. Experience in working with World Banks or other donor funded projects is preferable.

4- Deputy Director (Social Aspects)
Ph. D in Sociology /Social work with at least 02years experience OR
M.Phil in Sociology/Social work with at least 06years experience.

5- Junior Engineer (Electrical=02) (Mechanical =02) (Electronics =02)
B.E/ B.Sc. Electrical/ Mechanical/ Electronics Engineering in 1st Division from any HEC recognized university Registration with Pakistan Engineering Council (PEC). Note: Computer literacy is mandatory for induction

6- Assistant Manager (Finance)
M.Com/ MBA(Major in Finance) with 03 years experience OR B.Com with 07years post qualification experience in Audit & Aocounts of Govt. Departments/ Semi Govt. Organizations/ Corporations/ Autonomous Bodies or large public limited companies of repute.
Passed Intermediate/ foundation examination of the Institute of Chartered Accountants OR First three parts of the Institute of Cost & Management Accountant (ICMA).
SAS/ PIPFA of Govt. Accounts Dept with a minimum of 05 years experience in Audit & Accounts of Govt. Departments/ Semi Govt. Organizations/ Corporations/ Autonomous Bodies or large public limited companies of repute.

7- Junior Engineer (Civil)
Degree in Engineering (Civil) from a recognized University in Pakistan OR A.M.I.E (Pak) or a Diploma/ Degree from Foreign University recognized by the Pakistan Engineering Council as equivalent to an Engineering Degree.

8- Assistant Manager (Chemical)/ Junior Chemist
B.E/ B.Sc. (Chemical Engineering)/ M.Sc. (Chemistry)/ (Chemical Technology)

9- Assistant Manager (Procurement)
M.Sc.(Physics)/(Stat)/(Maths)/ M.A (Economics) / M.Com/ MBA/ M.Sc (Computer Science)/ ACCA/ B.E/ B.Sc. (Engineering)/ B. Tech. (Hons) from HEC recognized universities and registered from Pakistan Engineering Council (PEC) (at least in 2nd Division).

10- Accounts Officer
M.Com/ MBA (Major in Finance) OR B.Com with 03 years post qualification experience in Audit & Accounts of Govt. Departments/ Semi Govt. Organizations' Corporations/Autonomous Bodies or large public limited companies of repute


Job Advertisement

Finance Manager, Deputy Manager, Deputy Director (Environment, Social Aspects), Junior Engineer, Assistant Manager and Others vacancies

Find Similar Jobs


Blasting, Painting & Coating Inspector, Electrical Instrument Inspector, Civil Inspector and Senior General Inspector

and standard. 2- ELECTRICAL INSTRUMENT INSPECTOR: Diploma in electrical. Familiar with NEiS & Relevant Standards and codes 3- CIVIL INSPECTOR: Diploma in Civ ...

Auditors

AUDITORS with 3 to 5 years experience in Chartered Accountants Company must be Certified Public Accounts or BCOM with Inter CA, Preferably Filipino or Indian natio ...

Construction Manager/Project Manager

for the following positions for their Civil Division: CONSTRUCTION MANAGER / PROJECT MANAGER For the above position, a minimum of 8 years of experience is required ...

Coordinator Special Projects

partnerships (PPPs) to improve the health of communities. At a time of great change and with many exciting initiatives and ambitions for the future, AKHS, P provides ...

Mechanical Engineer, Sales Executive, Sales Representative and Accounts Assistant

oil and ghee having good communication skill and personality. Fresh candidates can also apply. 3. Sales Representative: Male/Female Graduate with minimum 5 year ...

Dunya News: 5-year-old boy performs Bruce Lee nunchaku routine.

Dunya News: 5-year-old boy performs Bruce Lee nunchaku routine.

ایس ایس پی ملیر راؤ انوار کا تبادلہ


کراچی پولیس کے ایک سینئر افسر راؤ انوار نے کہا ہے کہ گزشتہ شب متحدہ قومی موومنٹ (ایم کیو ایم) کے دو کارکنوں کو گرفتار کیا گیا ہے جنہوں نے ہندوستان کے خفیہ ادارے 'را' سے تربیت حاصل کی تھی۔
کراچی میں پریس کانفرنس کرتے ہوئے ایس ایس پی ملیر راؤ انوار نے کہا کہ گرفتار ملزمان کے نام طاہرعرف لمبا اور جنید ہیں جنہوں نے ہندوستان جا کر تربیت حاصل کی۔
انہوں نے اس موقع پر ایم کیو ایم کو 'دہشت گرد' جماعت قرار دیتے ہوئے کہا کہ اس پر پابندی لگنی چاہیے۔
انہوں نے کہا کہ وہ حکومت کو سفارش کریں گے کہ ایم کیو ایم پر پابندی لگائی جائے، متحدہ طالبان سے خطرناک جماعت ہے اس پر بھی دیگر جماعتوں کی طرح پابندی عائد ہونی چاہیے۔
گرفتار ہونے والا ایک ملزم۔ ڈان نیوز اسکرین گریب۔
گرفتار ہونے والا ایک ملزم۔ ڈان نیوز اسکرین گریب۔
انہوں نے بتایا کہ سرکاری ملازم دونوں ملزمان نے اعتراف کیا ہے کہ انہوں نے ہندوستان جاکر اپنے نام تبدیل کیے اور 'را' سے مسلح تربیت حاصل کی۔
راؤ انوار نے بتایا کہ ہندوستان میں رام نامی صوبیدار ایم کیوایم کے لڑکوں کو تربیت دیتا ہے۔
انہوں نے ایم کیو ایم کو طالبان سے بھی برا قرار دیا اور کہا کہ ایم کیوایم دشمن ملک کے ساتھ مل کر اپنے لوگوں کو مارتی ہے۔
ایس ایس پی ملیر نے کہا کہ ایم کیو ایم پاکستان کے خلاف کام کررہی ہے۔
انہوں نے کہا کہ لندن جانے والوں کے خرچے خدمت خلق فاؤنڈیشن سے ادا کئے جاتے ہیں۔ ہمارے پاس ایم کیوایم کے خلاف اور بھی بہت سے ثبوت ہیں۔
راؤ انوار نے انکشاف کیا کہ سارا کام ایم کیو ایم قائد الطاف حسین اور رہنما ندیم نصرت اور محمدانور کی ہدایت پر کیا جاتا ہے۔
ملزم طاہر لمبا نے میڈیا کے سامنے کہا کہ انڈیا میں سنی نامی ایم کیو ایم کے کارکن نے انہیں ایک کیمپ تک پہنچایا۔
انہوں نے اعتراف کیا کہ انہیں ہندوستانی ایجنسیوں نے جدید اسلحہ چلنے کی تربیت دی گئی جبکہ انہیں محمد انور نے ہندوستان جانے کی ہدایت کی۔
خیال رہے کہ ایک ماہ قبل رینجرز نے متحدہ کے مرکز نائن زیرو پر چھاپہ مارکر انتہائی مطلوب ملزمان کو گرفتار کیا تھا جبکہ اسلحہ کو بھی قبضے میں لیا گیا تھا۔
اس سے قبل سابق ایم کیو ایم کے کارکن صولت مرزا نے بھی پارٹی رہنماؤں کے خلاف سنگین الزامات عائد کیے تھے۔
ایس ایس پی ملیر راؤ انوار کا تبادلہ
دوسری جانب ترجمان پولیس کا کہنا ہے کہ ایس ایس پی ملیر راؤ انوار کا تبادلہ کردیا گیا ہے۔
ان کے مطابق راؤ انوار نے اختیارات کا غلط استعمال کیا اور عہدے سے بڑھ کر باتیں کی۔
انہوں نے بتایا کہ راؤ انوار کو سی سی پی او رپورٹ کرنے کی ہدایت کی ہے۔
ان کا مزید کہنا تھا کہ ان کا تبادلہ وزیراعلیٰ قائم علی شاہ کی جانب سے نوٹس لیے جانے کے بعد آئی سندھ کے احکامات کی روشنی میں کیا گیا۔

فیس بک وڈیو کالنگ فیچر متعارف


نیویارک : سماجی رابطے کی ویب سائٹ فیس بک نے مائیکروسافٹ، گوگل اور ایپل مشکلات میں ڈالتے ہوئے اپنا نیا وڈیو کالنگ فیچر متعارف کروا دیا ہے۔
فیس بک کی جانب سے اس کے میسجنگ پلیٹ فارم سے وڈیو کالنگ کا فیچر متعارف کرایا گیا ہے جس کے ذریعے اب صارفین ایک بٹن دبا کر اپنے دوستوں سے ویڈیو چیٹ کرسکیں گے۔
یہ نیا فیچر فیس بک کے صارفین میسنجر اپلیکشن پر استعمال کرسکیں گے جو کہ گوگل کے ہینگ آﺅٹس، مائیکروسافٹ کے اسکائپ اور ایپل کے فیس ٹائم وغیرہ سے ملتا جلتا ہے۔
فیس بک کے مطابق 'ہمارے ڈویلپرز کم رفتار والے موبائل فون نیٹ ورک پر بھی کام کرنے والی وڈیو فیچر کو تیار کرنے میں کامیاب رہے ہیں اور ایل ٹی ای و وائی فائی دونوں پر یہ کام کرسکے گا۔
صارفین کو میسنجر اپلیکشن میں کیمرہ آئیکون پر کلک کرکے کال کرنا ہوگی۔
یہ فیچر انڈرائڈ اور آئی فون صارفین کے لیے متعارف کرایا گیا ہے اور اسے فیس بک پر اسکائپ کا متبادل قرار دیا جارہا ہے۔

کرس گیل کا ٹی ٹوئنٹی میں عالمی ریکارڈ



جارحانہ ویسٹ انڈین بلے باز کرس گیل نے ٹی ٹوئنٹی کرکٹ میں 500 چھکے لگانے کا عالمی ریکارڈ قائم کر دیا۔
گیل نے انڈین پریمیئر لیگ(آئی پی ایل) میں رائل چیلنجر بنگلور کی نمائندگی کرتے ہوئے ٹی ٹوئنٹی کرکٹ میں 500 چھکے لگانے والے پہلے کھلاڑی کا اعزاز حاصل کیا۔
بدھ کو رائل چیلنجر بنگلور اور راجستھان رائلز کے درمیان میچ میں کرس گیل کی اننگ صرف دس رنز تک محدو رہی لیکن اس دوران انہوں نے ٹم ساؤدھی کو چھکا لگا کر 500 چھکے لگانے کا سنگ میل عبور کرلیا ۔
وہ اب تک آئی پی ایل کے 74 میچوں میں 201 ٹی ٹوئنٹی میچز کھیل ہیں اور ٹی ٹوئنٹی کرکٹ میں سب سے زیادہ چوکے لگانے والے کھلاڑیوں کی فہرست میں بھی دوسرے نمبر پر ہیں۔
وہ اب تک ٹی ٹوئنٹی میں 569 چوکے لگا چکے ہیں جبکہ سب سے زیادہ چوکے لگانے کا اعزاز آسٹریلیا کے بریڈ ہوج کو حاصل ہے جنہوں نے اب تک 638 چوکے لگائے ہیں۔

سابق کرنل اور میجر کروڑوں کی ڈکیتی میں ملوث


راولپنڈی: مقامی پولیس نے وزارتِ داخلہ کو ایئرپورٹ پر ایک بڑی ڈکیتی میں ملوث فوج کے دو سابق افسروں کے نام اس درخواست کے ساتھ ارسال کیے ہیں کہ انہیں ایگزٹ کنٹرول لسٹ (ای سی ایل) میں شامل کیا جائے۔
دبئی میں ان کے ایک ساتھی کی گرفتاری کے لیے انٹرپول کو بھی ایک درخواست بھیجی گئی ہے۔
بدھ کو ایک پریس کانفرنس سے خطاب کرتے ہوئے ریجنل پولیس افسر (آر پی او) محمد وصال فخر سلطان راجہ نے کہا کہ اس ڈکیتی میں ملوث پانچ افراد کو گرفتار کرکے تین کروڑ 86 ہزار روپے برآمد کرلیے ہیں، اور اس واردات میں استعمال کی گئی گاڑی بھی پولیس کو مل گئی ہے۔
انہوں نے کہا کہ ’’فوج کے دو ریٹائرڈ افسران، ایک سابق کرنل اور ایک سابق میجر براہِ راست اس ڈکیتی میں ملوث تھے، اور وہ ایئرپورٹ پر موجود تھے۔ انہیں جلد ہی گرفتار کرلیا جائے گا، اور بقایا رقم بھی ان سے بازیاب کرلی جائے گی۔‘‘
آر پی او نے کہا کہ پولیس کا ایک حاضر سروس سب انسپکٹر کو بھی گرفتار کیا گیا تھا، ساتھ ہی انہوں نے سات دن کے اندر ڈاکوؤں کا پتہ لگانے اور کروڑوں کی رقم ان سے برآمد کرنے پر پولیس کی تعریف کی۔
یاد رہے کہ 22 اپریل کو ان ڈاکوؤں میں سے دو پولیس کی وردی میں ملبوس اور ایک تیسرے نے خود کو ایک انٹیلی جنس ادارے کا عہدے دار ظاہر کرتے ہوئے کراچی سے سات کروڑ کی رقم کے ساتھ آنے والے ایک منی چینجر کو بے نظیر انٹرنیشنل ایئرپورٹ سے اغوا کرلیا تھا۔ ان لوگوں نے اس کے پاس موجود رقم چھین کر اسے سڑک کے کنارے پھینک گئے تھے۔
آر پی او نے کہا کہ ان میں سے گرفتار ہونے والے تین افراد گجرانوالہ کے رہنے والے ہیں، جبکہ اس گینگ کا ایک رکن دبئی میں مقیم ہے۔
انہوں نے کہا کہ دبئی میں مقیم ملزم کو انٹرپول کے ذریعے لایا جائے گا۔ ان کا کہنا تھا کہ فوج کے دو سابق عہدے دار جو ایک انٹیلیجنس ایجنسی سے منسلک رہے تھے، انہیں ملک سے فرار ہونے سے روکا جائے گا۔
آر پی او نے کہا ’’انٹیلی جنس ادارے کے یہ دونوں عہدے دار اس ڈکیتی میں براہِ راست ملوث ہیں، اس لیے کہ ڈکیتی کے دوران یہ دونوں افسران بے نظیر بھٹو انٹرنیشنل ایئرپورٹ پر موجود تھے۔‘‘
انہوں نے کہا کہ ڈکیتی کے واقعہ کی سی سی ٹی وی فوٹیج میں راولپنڈی پولیس کے سب انسپکٹر کی شناخت ہوئی تھی، جنہیں گرفتار کرلیا گیا۔ بعد میں تفتیش کے دوران سب انسپکٹر نے اپنے دو ساتھیوں کی شناخت کے بارے میں انکشاف کیا، جس کے بعد ان کی گرفتاری عمل میں آئی۔
ان کا کہنا تھا کہ ایئرپورٹ کے احاطے پر پولیس چوکی کی کڑی نگرانی کی جائے گی اور یہاں تعینات عملے کا تبادلہ کردیا جائے گا۔
آر پی او نے کہا کہ منی چینجر ایئرپورٹ پر اس قدر بڑی رقم کے تبادلے سے پہلے مقامی پولیس کو مطلع کرنا چاہیے تھا، تاکہ انہیں سیکیورٹی فراہم کی جاسکتی۔
انہوں نے کہا کہ تین گاڑیاں اس واردات میں استعمال کی گئی تھیں، تاہم کسی سرکاری گاڑی کا استعمال نہیں کیا گیا۔
پولیس ذرائع کے مطابق ایک دس رکنی گینگ اس ڈکیتی میں ملوث تھا، ان میں پانچ کو گرفتار کرلیا گیا ہے۔ ذارائع کا کہنا ہے کہ پولیس کی جانب سے بازیاب کی گئی رقم سب انسپکٹر نے ایک سیاہ ٹرنک میں چھپائی تھی، جو اس کو محکمے کی جانب سے دیا گیا تھا۔ یہ ٹرنک ایف-11 میں اس کی بہن کے گھر میں چھپایا گیا تھا۔

عبوری چالان کے مطابق ایان علی قصوروار قرار


اسلام آباد: منی لانڈرنگ کے الزام میں گرفتار سپر ماڈل ایان علی کے خلاف کسٹم حکام کی جانب سے پیش کیے گئے عبوری چالان میں انہیں قصوروار قرار دے گیا ہے۔
تاہم حکام گرفتاری کے وقت ایان علی سے ضبط کیے گئے موبائل فون سے ڈیلیٹ کیا گیا ڈیٹا دوبارہ بازیاب کرنے کی کوششوں میں مصروف ہیں۔
عدالت میں پیش کیے گئے عبوری چالان کے مطابق اسلام آباد کے ماڈل کسٹم کلیکٹر (ایم سی سی) نے بینظیر بھٹو انٹرنیشنل ایئرپورٹ سے گرفتاری کے وقت ایان علی سے دو موبائل فون برآمد کیے تھے۔
یاد رہے کہ ماڈل ایان علی کو رواں برس 14 مارچ کو اسلام آباد کے بینظیر انٹرنیشنل ایئرپورٹ سے دبئی جاتے ہوئے اُس وقت حراست میں لیا گیا تھا جب دورانِ چیکنگ ان کے سامان میں سے 5 لاکھ امریکی ڈالر برآمد ہوئے تھے۔
عبوری چالان کے مطابق دونوں فون 16 مارچ کو انٹیلی جنس بیورو (آئی بی) کو ڈی کوڈنگ کے لیے دے دیئے گئے تھے، تاہم آئی بی ان فونز سے ڈیٹا دوبارہ حاصل کرنے میں ناکام ہوچکی ہے اور اس بات سے تحریری طور پر کسٹم حکام کو آگاہ کردیا گیا۔
20 اپریل کو یہ فون فیڈرل انوسٹی گیشن ایجنسی (ایف آئی اے) کو ڈی کوڈنگ کے لیے دیئے گئے، جس کے جواب کا انتظار کیا جارہا ہے۔
عبوری چالان میں کسٹم حکام کا کہنا ہے کہ تفتیش کاروں نے بھی 20 اپریل کو کسٹمز انٹیلی جنس سے ماڈل ایان علی کے قبصے سے برآمد ہونے والی رقم کی تفصیلات طلب کی ہیں۔
کسٹم حکام کی جانب سے راولپنڈی کی سیشن کورٹ میں ملزمہ کے خلاف 24 اپریل کو عبوری چالان پیش کیا گیا تھا۔
تفتیش کے دوران ایف آئی اے سے ایان علی کے بیرون ملک سفر کی تفصیلات بھی طلب کی گئیں، جن کے مطابق 2010 سے 2015 کے دوران سپر ماڈل نے 81 بار پاکستان سے باہر سفر کیا۔
عبوری چالان کے مطابق 19 مارچ کو ایان علی نے مؤقف اختیار کیا تھا کہ ان کے بیگ سے برآمد ہونے والی رقم ان کی ذاتی تھی، جو انھوں نے بحریہ ٹاؤن کراچی میں اپنے 5 پلاٹوں کی فائلز فروخت کرکے حاصل کی تھی۔
24 مارچ کو ایان کے وکیل کی جانب سے پلاٹوں کی فروخت سے متعلق دستاویزات جمع کرائی گئیں، جن کے مطابق یہ پلاٹس 5 لاکھ، 6 ہزار، 8 سو امریکی ڈالر میں فروخت کیے گئے۔
عبوری چالان کےمطابق ایان علی نے تفتیش کاروں کو بتایا کہ وہ گرفتاری سے 5 دن قبل ہی دبئی سے اسلام آباد آئیں تھیں تاکہ پلاٹس ٹرانسفر کرکے رقم حاصل کرسکیں۔
چالان میں یہ بھی کہا گیا ہے کہ تفتیش کاروں نے پلاٹوں کو خریدنے والے شخص اور مڈل مین کو بھی نوٹسز جاری کیے کہ وہ تفتیش کاروں کے سامنے پیش ہوں لیکن وہ ایسا کرنے میں ناکام رہے۔
21 اپریل کو مڈل مین کی جانب سے جمع کرائے گئے جواب میں کہا گیا کہ انھوں نے ماڈل ایان کو غیر ملکی کرنسی میں رقم ادا کی تھی۔
چالان میں کہا گیا ہے کہ شواہد کے مطابق یہ ثابت ہوگیا ہے کہ ایان علی اسمگلنگ میں ملوث تھیں۔
عدالت کو پیش کیے گئےعبوری چالان کے مطابق غیر ملکی کرنسی ملزمہ کی تھی ، جنھوں نے یہ رقم مڈل مین اور پلاٹ خریدنے والے شخص سے حاصل کی، جو تفتیش کاروں کے سامنے پیش ہونے میں ناکام رہے۔
چالان میں مزید کہا گیا ہے کہ ملزمہ کسٹم ایکٹ اور فارن ایکس چینج ریگولیٹری ایکٹ برائے 1947 کی رُو سے تحریری اجازت کے بغیر اس کرنسی کو بیرون ملک نہیں لے جاسکتیں ۔
لہٰذا چالان کے مطابق ایان علی قصوروار ہیں۔

ایک سے زائد شادیاں بناسکتی ہیں دل کا مریض


شادی شدہ ہونا کسی مرد کی زندگی کو طویل کرنے کے امکانات کو بڑھا سکتا ہے تاہم ایک سے زائد بیویوں کی موجودگی جان لیوا بھی ثابت ہوسکتی ہے۔
یہ دعویٰ سعودی عرب میں ہونے والی ایک نئی طبی تحقیق میں سامنے آیا ہے۔
جدہ کے کنگ فیصل اسپیشلسٹ ہاسپٹل اینڈ ریسرچ سینٹر کی تحقیق کے مطابق ایک سے زائد شادیوں کی صورت میں شوہر کے اندر امراض قلب کا خطرہ 4 گنا بڑھ جاتا ہے۔
محقق ڈاکٹر امین اللہ کے مطابق ایسے شواہد موجود ہیں کہ شادی شدہ افراد کی صحت مجموعی طور پر بہتر اور ان کی عمریں طویل ہوتی ہیں تاہم ہم نے پہلی بار ایک سے زائد شادیوں سے دل کی صحت پر پڑنے والے اثرات کا جائزہ لیا ہے۔
تحقیق میں 687 شادی شدہ افراد کا جائزہ لیا گیا جن کی اوسط عمر 59 برس تھی جن میں سے 19 فیصد افراد کی 2 شادیاں ہوچکی تھیں، 10 فیصد کی تین جبکہ 3 فیصد مردوں کی 4 چار بیویاں تھیں۔
تحقیق میں بتایا گیا ہے کہ ایک سے زائد شادیوں کے نتیجے میں مردوں میں خون کی شریانوں سے متعلقہ امراض کا خطرہ 4.6 گنا زیادہ ہوجاتا ہے جو آگے بڑھ کر دل کے امراض کی شکل اختیار کرلیتا ہے۔
ڈاکٹر امین کا کہنا تھا کہ ہم نے بیویوں کی بڑھتی تعداد اور شریانوں کے بلاک ہونے کے درمیان تعلق کو دریافت کیا ہے جس کی ممکنہ وجوہات جذباتی اور مالی دباﺅ ہوسکتی ہیں۔
تاہم ان کا کہنا تھا کہ ابھی اس حوالے سے مزید تحقیق کی ضرورت ہے تاکہ اس تعلق کی مستند تصدیق کی جاسکے۔

زمین کے خاتمے میں 1000 سال باقی


سڈنی: برطانیہ کے معروف سائنسدان اسٹیفن ہاکنگ نے دعویٰ کیا ہے کہ انسان کے لیے ایک ہزار سال سے زیادہ اس زمین میں رہنے کے لیے گنجائش نہیں ہے۔
انہوں نے کہا کہ انسان اپنی بقا چاہتا ہے تو اسے ایک ہزارسال کے اندر اندر کسی دوسرے سیارے پر بستیاں بسانی ہوں گی، ورنہ کرۂ ارض سے نوعِ انسانی کا نام ونشان مٹ جائے گا۔
معروف طبیعات دان اسٹیفن ہاکنگ نے پچھلے ہفتے سڈنی کے اوپیرا ہاؤس میں عوام کے ایک جم غفیر سے خطاب کرتے ہوئے کہا کہ نوعِ انسانی کو زمین پر مزید ایک ہزار سال تک رہنے کی مُہلت ہے۔ اب یہ انسان پر منحصر ہے کہ وہ ایک ہزار سال میں کوئی نئی دنیا آباد کرتا ہے یا فنا کا انتظار کرتا ہے۔
اسٹیفن ہاکنگ کا خیال ہے کہ سیارہ زمین کی عمر ایک ہزار سال سے زیادہ نہیں رہ گئی ہے، اس لیے انہوں نے نوعِ انسانی کو مشورہ دیا ہے کہ وہ ایک ہزارسال کے عرصے میں کسی اور سیارے پر انسانی آبادی کا بندوبست کرلیں ورنہ کائنات سے ان کا نام و نشان معدوم ہوجائے گا۔
ان کے اس دعوے نے سائنسدانوں کے لیے کئی نئے سوالات پیدا کیے ہیں تاہم ابھی تک اس کے دعوے کی تائید یا مخالفت میں کوئی رد عمل سامنے نہیں آیا۔
انہوں نے کہا کہ انسان نیچے دیکھنے کے بجائے اوپر دیکھے اور نئے سیارے تلاش کرے۔
یاد رہے کہ اسٹیفن ہاکنگ اس سے قبل فروری میں بھی اسی طرح کا ایک بیان دے چکے ہیں۔
اس وقت بھی ان کا کہنا تھا کہ انسان کوبہرحال اپنی بقاکے لیے ایک نئی دنیا بسانی ہوگی کیونکہ سیارہ زمین اب زیادہ عرصے تک اس کی میزبانی نہیں کرسکے گی۔
اسٹیفن ہاکنگ نے کیمبرج یونیورسٹی میں قائم اپنے دفتر سے سڈنی کے اوپیرا ہاؤس کے اجتماع سے خطاب کیا۔

حضرت محمد ﷺ کے خاکے نہیں بناؤں گا


پیرس: فرانس کے مزاحیہ سیاسی رسالے چارلی ہیبڈو کے کارٹونسٹ نے حضرت محمد ﷺ کے خاکے نہ بنانے کا اعلان کیا ہے۔
خبر رساں ادارے رائٹرز کے مطابق چارلی ہیبڈو کے کارٹونسٹ لوز نے ایک میگزین کو اپنے انٹرویو میں کہا کہ "اب مجھے اس میں دلچسپی نہیں رہی۔ میں اس سے تھک گیا ہوں، جس طرح میں سرکوزی کے خاکے بنا بنا کے تھک گیا تھا۔ میں اپنی پوری زندگی یہ خاکے بنانے میں صرف نہیں کرسکتا"۔
یاد رہے کہ چارلی ہیبڈو نامی رسالے نے 2011 میں پیغمبر اسلام حضرت محمد ﷺ کے توہین آمیز خاکے اپنے سرورق پر شائع کیے تھے جس کے بعد اس کے دفتر پر فائربموں کے ذریعے حملہ بھی کیا گیا تھا، بعد ازاں اس میگزین نے داعش کے خلیفہ ابوبکر البغدادی کے حوالے سے ٹوئٹ کی تھی۔
جس کے بعد رواں برس جنوری میں مسلح افراد نے چارلی ہیبڈو کے دفتر پر حملہ کرکے فائرنگ کردی تھی، جس کے نتیجے میں 12 افراد ہلاک ہوگئے تھے۔
کارٹونسٹ لوز نے میگزین کو دیئے گئے انٹرویو میں کہا کہ "دہشت گردوں کی جیت نہیں ہوئی، ان کی جیت تب ہوتی جب پورا فرانس خوفزدہ ہوجاتا"۔
ایک مسمان کے لیے کسی بھی طرح حضرت محمد ﷺ کی عکاسی توہین رسالت کے زمرے میں آتی ہے، تاہم رسالے کے دفتر پر حملے کے بعد چارلی ہیبڈو نے اپنی اگلی اشاعت میں حضرت محمد ﷺ کے خاکے دوبارہ شائع کیے جس میں کردار کو “Je suis Charlie”(میں چارلی ہوں) کی تختی پکڑائی گئی جبکہ مزید لکھا تھا "سب کچھ معاف ہے"۔
آزادی اظہار رائے اور ہلاک شدگان سے یکجہتی کے لیے ادارے نے رسالے کی اربوں کاپیاں فروخت کیں جبکہ عموماً اس کی اشاعت 60 ہزار سے زائد نہیں ہوتی۔

پشاور میں دھماکا


پشاور: صوبہ خیبر پختونخوا کے دارالحکومت پشاور کے علاقے حیات آباد میں نجی اسکول کے قریب دھماکا سنا گیا ہے۔
نمائندہ ڈان نیوز کے مطابق دھماکے کی نوعیت کا تعین کیا جارہا ہے ۔

یونس ٹیسٹ کرکٹ میں تاریخ رقم کرنے کے قریب



کھلنا: تجربہ کار پاکستانی بلے باز یونس خان پاکستان کی ٹیسٹ کرکٹ میں تاریخ رقم کرنے کے انتہائی قریب ہیں اور وہ پاکستان کے کامیاب ترین ٹیسٹ بلے باز کے اعزاز سے محض چند سو رنز کے فاصلے پر ہیں۔
یونس اب تک اپنے کیریئر میں 96 ٹیسٹ میچوں میں 28 سنچریوں اور 29 نصف سنچریوں کی مدد سے 53.37 کی شاندار اوسط سے آٹھ ہزار 327 رنز بنا چکے ہیں۔
وہ پاکستان کی ٹیسٹ کرکٹ میں سب سے زیادہ 28 سنچریاں بننے والے بلے باز بھی ہیں۔
انہیں پاکستان کی ٹیسٹ کرکٹ کی تاریخ کا سب سے کامیاب بلے باز بننے کے لیے مزید 506 رنز درکار ہیں اور بنگلہ دیش کے خلاف ٹیسٹ میچوں کی سیریز میں وہ یہ کارنامہ سرانجام دے سکتے ہیں۔
پاکستان کی جانب سے ٹیسٹ کرکٹ میں سب سے زیادہ رنز بنانے کا اعزاز عظیم بلے باز جاوید میانداد کو حاصل ہے جنہوں نے 124 ٹیسٹ میچوں میں آٹھ ہزار 832 رنز بنائے جبکہ انضمام الحق 120 ٹیسٹ میچوں میں آٹھ ہزار 829 رنز بنا کر اس فہرست میں دوسرے نمبر پر ہیں۔

موٹاپے سے بچانے والی بہترین غذائیں


ہم سب کو معلوم ہے کہ عمر میں اضافہ صرف بالوں کو ہی سفید نہیں کرتا بلکہ ہمارا جسم بھی موٹاپے کا شکار ہونے لگتا ہے تاہم اب ایک نئی طبی تحقیق میں ایسی غذاﺅں کا ذکر کیا گیا ہے جو لوگوں کو اس مشکل سے بچائے رکھتی ہیں۔
بوسٹس کی ٹیوفٹس یونیورسٹی کی تحقیق کے مطابق ایسے مرد و خواتین جو دہی، سی فوڈ، چربی سے پاک چکن اور نٹس وغیرہ کھانے کے شوقین ہوتے ہیں ان کا عمر میں اضافے کے ساتھ جسمانی وزن بڑھنے کی بجائے کم ہوتا ہے۔
تاہم جو افراد سرخ گوشت، پروسیس گوشت اور کاربوہائیڈریٹس والی اشیاءجیسے سفید روٹی، آلو اور میٹھی اشیاءزیادہ استعمال کرتے ہیں ان میں موٹاپے کا خطرہ زیادہ ہوتا ہے۔
تحقیق کے مطابق جو لوگ کاربوہائیڈیٹس اور سرخ گوشت کا استعمال کرتے ہیں ان میں موٹاپے کا خطرہ زیادہ ہوتا ہے تاہم گوشت میں سبزیوں کو شامل کرلینے سے جسمانی وزن زیادہ نہیں بڑھتا۔
خیال رہے کہ وزن بڑھنے کے ساتھ میٹابولزم کی کارکردگی متاثر ہوتی ہے جس کے نتیجے میں جسمانی وزن بڑھنے لگتا ہے جبکہ کم متحرک رہنا بھی یہ خطرہ بڑھا دیتا ہے۔
محقق ڈاکٹر درویش مظفرین کے مطابق کھانے میں کیلیوریز کی مقدار پر نظر رکھنا جسمانی وزن میں اضافے کی روک تھام کے لیے سب سے زیادہ موثر حکمت عملی نہیں، درحقیقت کچھ غذائیں موٹاپے سے بچاتی ہیں جبکہ دیگر صورتحال بدتر کردیتی ہیں۔
ان کے بقول دلچسپ بات یہ ہے کہ پنیر، دودھ اور کم چکنائی والے دودھ کے استعمال سے جسمانی وزن میں اضافے یا کمی جیسے اثرات مرتب نہیں ہوتے۔

بیٹی کے فلموں میں کام کی خبر سے سچن پریشان


دہلی : ہندوستان کے عظیم سابق کرکٹر سچن ٹنڈولکر، جو اپنی زندگی پر بنائی جانے والی ڈاکیو فیچر فلم میں اداکاری کے جوہر دکھانے جارہے ہیں، اپنی بیٹی کے شوبز جوائن کرنے کی قیاس آرائیوں پر پریشان ہوگئے ہیں۔
اپنی اس پریشانی کا اظہار انھوں نے سماجی رابطے کی ویب سائٹ ٹوئٹر پر کیا۔
سچن ٹنڈولکر نے لکھا:' میری بیٹی سارہ اپنی تعلیم حاصل کر رہی ہے اور وہ اُس کے فلموں میں کام کرنے سے متعلق قیاس آرائیوں پر پریشان ہیں'۔

لیموں کے 12 حیرت انگیز کمالات


لیموں گرمیوں میں اپنے عرق یا جوس کی بدولت پاکستان یا اس جیسے دیگر ممالک میں بہت زیادہ استعمال ہونے والا پھل ہے مگر کیا آپ کو معلوم ہے کہ کھانے یا پینے سے ہٹ کر بھی یہ کیا کرشمے دکھا سکتا ہے؟
درحقیقت یہ ترش پھل آپ کو صحت مند، خوبصورت، صفائی اور اچھا باورچی (یقیناً) بنا سکتا ہے۔
تو لیموں کے چند ایسے ہی حیرت انگیز فوائد جانے جو آپ کو دنگ کر کے رکھ دیں گے۔

فرنیچر پالش

اپنے گھر کے فرنیچر کے لیے گھریلو ساختہ پالش تیار کریں جس کی مہک اچھی اور لاگت کسی عام پالش کے مقابلے میں بہت کم ہے، بس لیموں سے عرق نکال کر اسے زیتون کے تیل میں شامل کریں ہلانے کے بعد اس محلول کو کپڑے پر ڈال کر اپنے فرنیچر کو پالش کریں، آپ کرسیوں اور میزوں کی چمک کو دیکھ کر حیران رہ جائیں گے۔

کھڑکی کی صفائی

چونکہ لیموں کے عرق میں تیزابیت ہوتی ہے اس لیے یہ اس گریس یا گندگی کو صاف کرنے کے لیے بہترین ذریعہ ثابت ہوتا ہے جو کھڑکی اور شیشوں پر جم جاتے ہیں۔ آپ لیموں کے عرق میں سرکہ اور پانی بھی ملا سکتے ہیں جس سے کھڑکی کی صفائی کے لیے زیادہ بہتر محلول تیار ہوجائے گا۔

پانی کے دھبوں کی صفائی

پانی کے نتیجے میں نلکوں اور شاور وغیرہ پر نظر نہ آنے والے دھبے پڑ جاتے ہیں اور بتدریج جم کر موٹے ہوتے چلے جاتے ہیں، جس کی صفائی کے لیے ایک لیموں کو کاٹ کر اسے اپنے نلکے یا شاور پر رگڑے، اس عمل کے بعد چمکنے لگیں گے اور بالکل نئے جیسے ہوجائیں گے۔

کٹنگ بورڈ کی صفائی

سبزیاں یا گوشت کاٹنے کے لیے استعمال ہونے والے گندے کٹنگ بورڈز کی صفائی کے لیے کچھ مقدار میں نمک کو لیں اور لیموں کو کاٹ لیں۔ نمک کو کٹنگ بورڈ پر چھڑک دیں اور پھر اس کے اوپر کٹے ہوئے لیموں کو رگڑے۔ کچھ دیر بعد نمک کو بورڈ سے ہٹا دیں یا پانی سے دھولیں۔ یہی چیز آپ بیلن اور سلاد کے لکڑی کے ڈونگوں کے ساتھ بھی کرسکتے ہیں۔

سنگ مرمر کی صفائی

سنگ مرمرکے فرش پر سے زنگ کے دھبوں کو ہٹانے کے لیے کھانے کا سوڈا داغ پر چھڑکیں اور اس پر کچھ لیموں کا عرق ڈال دیں، اس جگہ کو رگڑیں، ضرورت پڑنے پر پھر سوڈا اور لیموں کا عرق ڈالیں، اس کے بعد صاف گیلے کپڑے سے اس جگہ کو صاف کردیں، آپ کا فرش جگمگانے لگے گا۔

سلور کے برتنوں کی پالش

ایک چائے کے چمچ لیموں کے عرق کو ڈیڑھ کپ پانی اور آدھا کپ خشک دودھ میں مکس کریں اور اس محلول میں برتنوں کو رات بھر کے لیے چھوڑ دیں اور صبح دھو کر خشک کرلیں، تاہم اگر آپ کو جلدی ہو تو برتنوں کے داغ زدہ حصوں پر کچھ لیموں کا عرق ڈالیں اور ایک صاف کپڑے سے رگڑ کر صاف کرلیں۔

اپنے برتن دھونے والے صابن کو زیادہ موثر بنائیں

ایک چائے کا چمچ برتن دھونے والے صابن پر ڈال دیں جس کے نتیجے میں وہ برتنوں میں چکنائی سے جمع ہونے والی گریس کو بھی زیادہ موثر طریقے سے صاف کرنے لگے گا۔

پلاسٹک کے برتنوں کو جگمگائیں

اگر آپ کے پلاسٹک کے برتنوں پر آپ کے پسندیدہ کھانوں کا رنگ پختہ طریقے سے جم گیا ہو تو اس پر لیموں کا عرق ڈال کر کپڑے سے کچھ دیر رگڑیں اور پھر خشک کرنے کے لیے دھوپ میں رکھ دیں جس سے وہ رنگ اڑ جائے گا اور برتن اصل شکل میں لوٹ آئیں گے۔

ٹوائلٹ کی صفائی

لیموں کے عرق سے بھرا آدھا کپ ٹوائلٹ میں ڈال کر کچھ دیر انتظار کریں اور پھر برش سے صاف کرلیں جس سے وہ جگمگانے لگے گا جبکہ باتھ روم میں بھی اچھی مہک پھیل جائے گی، لیموں کے علاوہ آپ آدھا کپ سہاگا بھی شامل کرکے صفائی کے اس عمل کو زیادہ موثر بنا سکتے ہیں۔

ہر مقصد کے لیے کلینر کی تیاری

دو کپ گرم پانی میں ایک چمچ کھانے کے سوڈے ڈالیں اور اس وقت تک ہلائیں جب تک وہ مکمل طور پر حل نہ ہوجائے اس کے بعد آدھا کپ سفید سرکہ، ایک لیموں کا عرق اور پانچ سے دس قطرے لیمن آئل کو اس میں ملادیں اور پھر اسپرے بوتل میں ڈال لیں، ہر بار استعمال سے پہلے اسے نرمی سے ہلائیں۔ یہ ایک حیرت انگیز ایسا کلینر محلول ہوگا جو باورچی خانے یا باتھ روم ہر جگہ صفائی کا کام کرسکے گا۔

کپڑوں سے گریس کے داغ ہٹائیں

لیموں کے عرق کو سرکے میں ملائیں اور کپڑے پر گریس کے داغ پر اسے استعمال کریں، کچھ دیر تک اس لگا رہنے دیں اور پھر دھولیں، وہ داغ جادوئی انداز میں غائب ہوجائے گا۔

کپڑوں کو بلیچ کرنا

گرم پانی میں لیموں کا عرق شامل کریں اور اس میں اپنے سفید کپڑے بھگو دیں، کچھ دیر بعد انہیں معمول کی طرح نچوڑ کر دھولیں۔ اس کے علاوہ آپ واشنگ مشین میں بھی بلیچ کی جگہ آدھا کپ لیموں کا جوس ڈال کر بھی بہترین نتیجہ حاصل کرسکتے ہیں۔

گھر بیٹھے کی جانے والی 10 بہترین ملازمتیں


گزشتہ برسوں میں اقتصادی بحران کے نتیجے میں گھروں میں رہ کر کام کرنے والے افراد کی تعداد میں نمایاں اضافہ دیکھنے میں آیا ہے، اگرچہ پاکستان میں اس کا رجحان ابھی زیادہ نہیں تاہم یہاں بھی لوگوں کی جانب سے اس شعبے کا رخ کیا جارہا ہے۔
اگر آپ جاننا چاہیں کہ گھر میں فری لانس رہ کر آپ کے سب سے زیادہ بہتر کیا ہوسکتا ہے تو ای لانس او ڈیسک نامی ایک ویب سائٹ جو دنیا بھر سے اپنے کاموں کے لیے فرنس لانس افراد کو بھرتی کرتی ہے، نے دس شعبوں کی ایک فہرست بنائی ہے جس میں کامیابی کے امکانات بہت زیادہ ہوتے ہیں۔

وائس اوور

وائس اوور آرٹسٹ عام طور پر ویڈیوز اور اشتہارات وغیرہ کے لیے استعمال ہوتے ہیں، جس کے لیے انہیں کسی مرکزی اسٹوڈیو کا بھی رخ کرنا پڑتا ہے مگر اب یہ کام کے اندر ہوم اسٹوڈیو میں بھی کیا جاسکتا ہے اور ساﺅنڈ فائلیں ای میل یا انٹرنیٹ کے ذریعے ارسال کی جاسکتی ہیں۔

انفوگرافک ڈیزائن

پیچیدہ معلومات کو شیئرایبل طریقے سے پیش کرنے کی صلاحیت وائس اوور کے بعد فری لانس افراد کو بہت زیادہ کامیابی دلانے کا سبب بن سکتی ہے یعنی کسی بھی موضوع پر جامع گراف تیار کرنا انہیں راتوں رات کامیابی دلاسکتا ہے، صرف برطانیہ میں ہی اس کام کے لیے فی گھنٹہ 44 پاﺅنڈز دیئے جاتے ہیں۔

مالیاتی تحریریں

فنانشل معاملات پر جامع تجزیوں یا مارکیٹ کے اشاریوں پر لکھا جاتا ہے، یہ کام کرنے والے کمپنیوں کے لیے بلاگ بھی لکھ کر پوسٹ کرسکتے ہیں یہاں تک کہ ان کی سالانہ رپورٹس کا کام بھی ان کی آمدنی بڑھاتا ہے۔

کنٹریکٹ ڈرافٹنگ

کنٹریکٹ ڈرافٹنگ ایک ایسا کام ہے جس کے لیے بہت زیادہ معاوضہ دیا جاتا ہے کیونکہ کسی بھی کاروباری معاہدے کو قانونی طور پر موزوں بنانے کے لیے اس صلاحیت کی ضرورت ہوتی ہے۔

ریکروٹنگ

متعدد کمپنیوں نے اب نئے عملے کی بھرتی کا پیچیدہ ٹاسک فری لانس افراد کو منتقل کردیا ہے، جو لوگوں کو متوجہ، منتخب اور بھرتی کرنے کا تمام کام کرتے ہیں۔

مالیاتی پیشگوئی

کاروبار ایسے فری لانسرز کو بہت زیادہ بھرتی کرتی ہیں جو کمپنی کے مالیاتی ٹرن اوور کی پیشگوئی مقررہ وقت کے اندر کرسکے، اس کام کے لیے کسی کمپنی کے اندرونی اکاﺅنٹنگ اور سیلز ڈیٹا کا جائزہ لینا پڑتا ہے۔

الیکٹرونک انجنئیرنگ

الیکٹرونک پروگرامرز نئے سافٹ ویئرز اور آپ کے فونز، ٹیبلیٹس اور لیپ ٹاپس کے آپریٹنگ سسٹم کے لے آﺅٹ پروگرام کرسکتے ہیں۔

مترجم

ٹرانسلیشن یا کسی بھی ایک سے دوسری زبان کی تحریروں کے ترجمے کی صلاحیت کی اس وقت کاروباری کمپنیوں کے اندر مانگ میں تیزی سے اضافہ ہورہا ہے۔

سی وی رائٹنگ

دنیا بھر میں ملازمت کی تلاش لوگ کرتے ہی ہیں اور اس کے لیے اپنی اچھی سی وی کی تیاری لازمی ہوتی ہے اور فری لانسرز اس کام کے ذریعے اچھی آمدنی کماسکتے ہیں۔

پے پر کلک

یہ ایک انٹرنیٹ ایڈورٹائزنگ ماڈل ہے جسے ویب سائٹ کی براہ راست ٹریفک کے لیے استعمال کیا جاتا ہے، فری لانسر ایڈورٹائزر بن کر پیسہ بناسکتے ہیں جس کے لیے انہیں مختلف ویب سائٹس کو پے پر کلک ٹریفک فراہم کرنا ہوگا۔

اوباما کی دادی عمرے کی ادائیگی کے لیے مکہ میں


جدّہ: امریکی صدر باراک اوباما کی دادی سارہ عمر نے حضرت محمد رسول اللہ ﷺ کے حوالے سے مکہ میں جاری ایک نمائش کو سراہتے ہوئے کہا ہے کہ اس سے اسلام کی معتدل تعلیمات کی عکاسی ہوگی، جو برداشت کا درس دیتا ہے اور تشدد کو مسترد کرتا ہے۔
عرب نیوز کی رپورٹ کے مطابق سارہ عمر، امریکی صدر کے چچا سعید اوباما، اور اپنے پوتے موسیٰ اوباما کے ساتھ عمرے کی ادائیگی کے لیے سعودی عرب آئی ہوئی ہیں۔
انہوں نے حرمین شریفین کو توسیع دینے کے لیے سعودی حکومت کی کوششوں کی تعریف کی۔
سارہ عمر اور ان کے خاندان کے افراد نے مکہ کے ڈسٹرکٹ نسیم میں جاری اس نمائش کا دورہ کیا اور وہاں دو گھنٹے گزارے۔
انہوں نے کہا ’’یہ نمائش دیکھ کر مجھے بہت خوشی ہوئی، سائنسی اور مستند دستاویز کی مدد سے یہ جدید طریقے سے اسلام کے فروغ کی ایک بہت اچھی مثال ہے۔‘‘
اوباما کی دادی نے یہ امید بھی ظاہر کی کہ اس نمائش کا انعقاد سعودی حکومت کی مدد سے دیگر ملکوں میں بھی کیا جائے گا، تاکہ اس آفاقی مذہب کے بارے میں غلط تصورات دور ہوسکیں۔

تحریک انصاف ٹویٹرٹرینڈزمیں سب سے آگے



 – این اے 246 میں ضمنی انتخاب کا دنگل سجا ہوا ہے جہاں ایم کیو ایم، جماعت اسلامی اورپاکستان تحریک انصاف ایک دوسرے کے مدِ مقابل ہیں۔
این اے 246 کا نتیجہ تو جب آئے گا تب آئے گا لیکن ایک معرکہ سوشل میڈیا پربھی برپا ہے جہاں پی ٹی آئی سب سے آگے ہے۔

این اے 246 میں پولنگ کا عمل جاری، ووٹرز مشکلات کا شکار


 جی ہاں سماجی رابطے کی ویب سائٹ ’’ٹویٹر ‘‘پر تحریک انصاف کے حامیوں کی جانب سے تشکیل دیا جانے والا ٹرینڈ (رحجان) ’’بلے پہ ٹھپا‘‘سب سے اوپر ہے۔
ٹویٹر گریب
ٹویٹر گریب
دوسرا سیاسی ٹرینڈ ’’ووٹ دو ترازوکو‘‘ہے جو کہ ٹویٹرٹرینڈزمیں تیسرے نمبرپر ہے۔
ایم کیو ایم سے متعلق ٹرینڈ کچھ دیر قبل تک دوسرے نمبر پر تھا لیکن اب وہ ٹرینڈز کی فہرست سے غائب ہوگیا ہے جس کی وجہ شاید ایم کیو ایم کے کارکنوں کی فیلڈ میں موجودگی ہوسکتی ہےجبکہ پی ٹی آئی اور جماعت اسلامی کے کارکنان انتخابی حملے میں خال خال ہی نظر آرہے ہیں

پاکستان کو بنگلہ دیش کے ہاتھوں شرمناک وائٹ واش


بنگلہ دیش نے پاکستان کو تیسرے ایک روزہ میچ میں آٹھ وکٹوں سے شکست دے کر وائٹ واش مکمل کرلیا۔
250 رنز کا تعاقب بنگلہ دیشی ٹیم نے 40ویں اوور میں پورا کرلیا۔ بنگلہ دیش کی جانب سے سومیا سرکار نے 127 رنز کی شاندار اننگز کھیلی۔
اس کے علاوہ تمیم اقبال نے 64 جبکہ مشفق الرحیم نے 49 رنز کی اننگز کھیلی اور ٹیم کو فتح سے ہمکنار کروایا۔
میچ میں کوئی بھی پاکستانی باؤلر متاثر کن کارکردگی نہیں دکھا سکا۔ جنید خان نے دو وکٹیں حاصل کیں۔
شکست کے ساتھ پاکستانی ٹیم تاریخ کی بدترین ایک روزہ رینکنگ یعنی آٹھویں پوزیشن پر آگئی۔
بنگلہ دیش سے تاریخی شکست کے بعد پاکستانی کپتان اظہر علی کا کہنا تھا کہ بنگلہ دیش نے بہترین کرکٹ کھیلی اور میں انہیں مبارک باد پیش کرتا ہوں۔
انہوں نے کہا ہم نے بھی کچھ حصوں میں اچھے کھیل کا مظاہرہ کیا تاہم مجموعی طور پر اچھی کارکردگی نہ دکھا سکے۔
انہوں نے کہا کہ ہماری ٹیم میں تجربہ کار کھلاڑیوں کی کمی تھی۔
اظہر علی نے کہا کہ ٹی ٹوئنٹی اور ون ڈے سیریز میں تجربہ کار کھلاڑی موجود ہوں گے جس کے باعث بہتر کارکردگی دکھائیں گے۔
انہوں نے کہا کہ کھلاڑیوں کو ذمہ داری کا احساس کرنا ہوگا، ذاتی پرفارمنس کی اہمیت نہیں، شکست پر افسوس ہوا۔
پاکستانی کپتان کا کہنا تھا کہ کوچنگ اسٹاف صرف بتا سکتاہے، کھیلنا کھلاڑیوں کا کام ہے۔
بنگلہ دیش کی ٹیم کے بارے میں ان کا کہنا تھا کہ وہ پہلے سے بہت بہتر ہوگئے ہیں اور انہوں نے شاندار کھیل پیش کیا۔
انہوں نے واضح کیا سعید اجمل اور سرفراز احمد کو ڈراپ نہیں کیا گیا تھا، انہوں آرام کا موقع دیا گیا۔
اظہر علی نے کہا کہ سرفراز احمد نے خود کہا کہ اگر کسی کو موقع دینا ہے تو ایسا کرلیں۔
اس سے قبل پاکستانی ٹیم نےمیزبان بنگلہ دیش کو جیتنے کے لیے 251 رنز کا ہدف دیا تھا۔
پاکستانی کپتان اظہر علی نے ٹاس جیت کر بیٹنگ فیصلہ کیا ۔
ایک موقع پر پاکستان کا اسکور 39 ویں اوور میں دو وکٹوں کے نقصان پر 203 رنز تھے تاہم کپتان اظہر علی کے آؤٹ ہونے کے بعد کوئی بھی بلے باز کریز پر نہ ٹک سکا اور پوری ٹیم 250 رنز آؤٹ ہو گئی۔
پاکستان کی جانب سے پہلی وکٹ 91 رنز پر اس وقت گری جب نوجوان اوپنر سمی اسلم 45 رنز بنا کر وکٹوں کے پیچھے آؤٹ ہو گئے۔
سمی کے آؤٹ ہونے کے بعد محمد حفیظ بیٹنگ کے لیے آئے لیکن وہ بھی صرف چار رنز بنا کر عرفات سنی کی گیند پر بولڈ ہو گئے۔
حفیظ کی وکٹ گرنے کے بعد کپتان اظہرعلی اور حارث سہیل نے بھی محتاط انداز میں بیٹنگ کی مگر 203 رنز کے مجموعے پر اظہر علی بھی 101 رنز بنا کر پویلین لوٹ گئے جب کہ اس کے اگلے ہی اوور میں حارث سہیل بھی 53 رنز بنا کر کیچ آؤٹ ہو گئے۔
پاکستان کی آخری آٹھ وکٹیں مجموعی اسکور میں صرف 47 رنز کا اضافہ کر سکیں اور پوری ٹیم 49 اوورز میں 250 رنز بنا کر آؤٹ ہو گئی۔
پاکستان کی جانب سے ٹیم میں تین تبدیلیاں کی گئیں اور نائب کپتان سرفراز احمد، سعید اجمل اور راحت علی کو ڈراپ کرکے عمر گل، ذوالفقار بابر اور سمی اسلم کو شامل کیا گیا ہے۔
دوسری جانب سیریز میں بہترین کارکردگی کا مظاہرہ کرنے والی بنگلہ دیشی ٹیم میں کوئی تبدیلی نہیں کی گئی تھی۔
شاندار سنچری اسکور کرنے پر سومیا سرکار کو میچ جبکہ تمیم اقبال کو سیریز کا بہترین کھلاڑی قرار دیا گیا۔
پاکستانی ٹیم کو 13ویں مرتبہ وائٹ واش کا سامنا کرنا پڑا ہے۔
دونوں ٹیموں کے درمیان ٹی ٹوئنٹی میچ جمعے کو کھیلا جائے گا جبکہ ٹیسٹ سیریز کا آغاز 28 اپریل سے ہوگا۔

آج ان سب کیلیے ڈوب مرنے کا مقام ہے۔


رشی کپور کی مادھوری، ریکھا سے معافی


تقریباً 92 فلموں میں رومانوی ہیرو کا کردار ادا کرنے والے سینئر فنکار رشی کپور کے دل میں مادھوری ڈکشٹ اور ریکھا کے ساتھ کامیاب فلم نہ دینے کی خلش ہے۔
رشی اور مادھوری تین فلموں سائیبان (1993)، یارانہ (1995) اور پریم گرنتھ (1996) میں کام کر چکے ہیں لیکن بدقسمتی سے ان میں سے کوئی فلم باکس آفس پر راج نہ کر سکی۔
رشی نے ٹوئٹر پر ’دھک دھک گرل‘ کے ساتھ اپنی ایک پرانی تصویر شیئر کرتے ہوئے پرانے دنوں کو یاد کیا اور ان سے کامیاب فلم نہ دے پانے پر معافی مانگی۔
اسی طرح انہوں نے باکس آفس پر ہٹ فلم نہ دینے کی وجہ سے ریکھا کے ساتھ بھی اپنی ایک تصویر شیئر کی۔
دنوں سٹارز دیدارِ یار (1982)، رام تیرے کتنے نام (1985)، شیش ناگ (1990)، امیری غریبی (1990) اور آزاد دیش کے غلام (1990) میں کام کر چکے ہیں۔