ریحام خان سے محبت کی 13 وجوہات

عمران خان نے جب گزشتہ اسلام آباد میں اپنے احتجاجی دھرنے میں ایک تقریر کے دوران اعلان کیا کہ وہ جلد احتجاج ختم ہوتے دیکھنا چاہتے ہیں تاکہ دوبارہ شادی کرسکیں، اس دن سے ہی ہر کسی کے دل و دماغ میں بس ایک ہی بات چھائی ہوئی تھی کہ آخر عمران خان کی مستقبل کی بیوی کون ہوگی؟

ایک طرف مشہور اداکارہ میرا تھیں جنہوں نے بار بار مختلف طریقوں سے عمران خان کو شادی کی پیشکش کی، اور پھر نظر آئیں خوبصورت ریحام خان جو کہ ایک چینل ہوسٹ تھیں اور زیادہ موزوں امیدوار نظر آتی تھیں۔

آخر کار 8 جنوری 2015 کو بنی گالہ میں عمران خان اور ریحام خان نے نہایت سادگی کے ساتھ شادی کرلی اور ان سے منسلک تمام خبریں سچ ثابت ہوگئیں۔

ریحام خان کو شادی کے بعد کئی رکاوٹوں کو عبور کرنا پڑا، کیونکہ اس جوڑے کی شادی کی خبر کے بعد ہی فضاء میں ریحام کی سابقہ شادی، بی بی سی کیرئیر کی باتیں پھیلنے لگیں جبکہ یہ حیرت بھی ظاہر کی جانے لگی کہ آخر وہ کس طرح ناقابل تسخیر عمران خان کی اہلیہ کا کردار اپنا سکیں ، لیکن آہستہ آہستہ ریحام خان پاکستانی عوام کی پسندیدہ بھابی بن گئیں۔

ہم نے یہاں ایسی 13 باتوں کی فہرست مرتب کی ہے جس کی وجہ سے ریحام خان پاکستانیوں کی فیورٹ بن چکی ہیں۔

اگر پاکستانی کسی ایک چیز کو پسند کرتے ہیں تو وہ ایک 'اچھی بیوی' ہے اور ریحام خان نے اس کو بخوبی سمجھ لیا ہے۔ انہوں نے خود کو عمران خان کا مضبوط سپورٹر ثابت کیا ہے اور اپنے شوہر کے ساتھ کھڑے ہونے کے لیے ہر حد تک گئی ہیں، بات ہو الطاف حسین کی یا عمران خان کے خلاف بولی جانے والی باتوں کی ریحام ہر حال میں عمران خان کا پورا ساتھ دیتی ہیں۔